土瓜灣嘅蝦記麵家，係一家已經有五十多年歷史嘅老店。

蝦記嘅蝦子麵係舖頭嘅鎮店之寶，種類繁多， 每個蝦子麵都係老師傅沿用古法炮製，以大量大地魚、蝦子、蝦米熬 湯 ，用嚟 加埋雞蛋開麵粉 ，滴水不加，做出嚟嘅蝦子麵，啖啖都係濃濃嘅蝦味。就連麵粉都特別講究，用加拿大、香港及大陸三地嘅小麥粉混合而成，做到麥味重、筋性強、麵身爽彈但細滑，每啖都係手藝承傳。

蝦子麵煮法：

1. 明火：清水1~2碗，同時放麵，待水滾起，用筷子鬆開即可。

2. 焗製：全滾水1~2碗，待麵條焗至軟身，用筷子鬆開即可。

3. 微波爐：熱水1~2碗，加熱至麵條軟身，用筷子鬆開即可 * 麵餅在製作過程中已蒸熟，可因應個人喜好增减烹煮時間，以控制軟硬度 。

** 湯底以真材實料餚製，烹煮後麵及上湯均可食用，可增減水量調較上湯濃度。