拆解消暑謬誤 夏天防中暑攻略
拆解消暑謬誤 夏天防中暑攻略
2019-05-20

熱!死!人!喇!不知不覺夏天已經殺到埋身,香港嘅濕熱真係世界級難頂,氣溫升到成30幾度,伙計都熱到頭暈暈就嚟中暑……喺户外活動嘅時候,更加唔可以掉以輕心!因為一個唔好彩中暑,唔單止會頭暈、四肢無力,嚴重嘅話仲會痙攣或者昏迷。


想消暑係咪狂灌水就得?飲啤酒真係可以消暑解渴?等伙計即刻同你一一拆解消暑謬誤,順便教你三招防中暑。

消暑謬誤

1. 應該不斷飲水去補充水分?
一次過飲太多水會稀釋血液嘅鹽分濃度,同埋增加尿量,有機會引致脫水症狀!

攻略一. 及時補充水分
千祈唔好等口渴先飲水,因為嗰嗰時候身體已經開始缺水,會有輕微不適同食欲下降。最好係少量多次,平均分配喺早午晚唔同時段。喺大量流汗嘅情況下,人體除咗需要補充水分,仲要補充隨汗液流失嘅電解質,飲用同體液成分相近嘅運動飲品就可以有效幫身體補水啦!

2. 飲啤酒可以補充水分兼消暑?
飲啤酒雖然可以補充水分,但水分流失一樣加快,嚴重嘅話仲會引致脫水!因為啤酒有利尿嘅成分,會加速身體水分經尿液流失。除咗啤酒,所有含有咖啡因同酒精嘅飲品都一樣唔建議飲用。

3. 留喺室內就唔會中暑?
唔少人以為只會喺室外中暑,但其實喺室內一樣有機會中招!尤其喺廚房煮食,當熱氣積聚喺密閉空間入面,温度會相當之高。老人家可能會因為出汗調節機能退化,令到熱力積聚喺體內而中暑。

攻略二. 避免喺中午進行户外活動
喺夏天,中午係一日最高溫嘅時間,街坊們應該儘量避免進行户外活動,例如:球類活動、行山等劇烈運動。最好安排喺朝早或者中午之後,減低中暑嘅機會。

4. 喺户外著短袖、無袖衫最消暑?
出街以為著短袖、無袖衫就無死?要户外活動長時間接觸到陽光嘅話,著呢啲衫會令肌膚直接受到紫外線傷害,分分鐘曬傷㗎!

攻略三. 通爽嘅衣著
平時外出應該穿著淺色同通爽、排汗功能好嘅衣物,咁就可以減少身體吸熱、方便排汗同散熱。要户外活動長時間接觸到陽光,最好著通爽鬆身長袖衫,可以避免曬傷同被蚊咬。另外,出街前一定一定要記得搽適量嘅防曬產品,同埋隨身攜帶傘、帽同太陽眼鏡。


夏天補水是常識吧!即刻睇吓伙計為你推介嘅消暑好物,快啲買齊晒返屋企啦!

消暑好物推介

1. EVIAN 依雲 天然礦泉水-原箱 500MLX24

天然純正品質,含有豐富嘅鈣、鎂及碳酸氫鹽等礦物質。
立即購買:http://bit.ly/2JLqYdd

2. 水動樂 水分及電解質補充飲品

可以有效補充因流汗而失去嘅水分同電解質,仲係低糖、低卡路里。
立即購買:http://bit.ly/2JnhOUR

3. 優之源 運動電解質補充飲

獨立包裝方便攜帶,無添加防腐劑同色素,1包可以沖到500毫升飲料。
立即購買:http://bit.ly/2VIZwUE

4. 煲湯 季節限定系列-消暑去濕冬瓜水

有助消暑祛濕、散熱、止渴同補充水份。
立即購買:http://bit.ly/2Vvt03k

5. 煲湯 季節限定系列-菱湖豆消暑冬瓜湯PC

配瘦肉或豬骨煲成,同樣可以消暑祛濕。
立即購買:http://bit.ly/2VCYYzL

即刻睇吓更多運動飲品:http://bit.ly/2VETTa1