濕疹BB護理秘訣!前護士媽為女創研濕疹膏
濕疹BB護理秘訣!前護士媽為女創研濕疹膏
#皮膚敏感2018-12-07

濕疹發作認真令人頭痕,對於大人嚟講都咁痛苦嘅事,發生喺小朋友身上,真係發在你身﹐痛在家長心。好似兩歲嘅 Fia 咁,你唔好睇佢宜家皮光肉滑、靚靚女女,其實佢仲係BB嘅時候有過嚴重嘅濕疹問題。

曾經喺公立醫院做護士嘅媽媽Ellen為解決囡囡 Fia 濕疹問題,唔單止180度改變晒生活習慣,不斷去做testing搵出致敏原,最後仲同從事護膚品廠嘅丈夫Desmond,一齊研發出註冊咗專利嘅Amofia有機濕疹舒敏膏,幫助同路人﹗

搵出致敏原

食物、環境嘅致敏原都可以引發濕疹,對付濕疹第一步,首先要了解BB對咩過敏,再加以避免。呢個步驟聽落簡單,但其實過程漫長而難過。Ellen為照顧囡囡,直言曾經試過壓力大到情緒崩潰。

Fia開始食固體食物就係濕疹情況最差嘅時候,好似食乜嘢、搽乜去保濕都冇用。兒科醫生建議,只要搵到致敏原,加上不停保濕就會好轉,但當時兩樣嘢都做唔到感到好無助,見到囡囡咁辛苦,Ellen終於情緒爆發,忍唔住喊咗出嚟。

好彩機緣巧合下﹐丈夫嘅家姐寄咗啲椰子油俾Ellen試﹐Fia第一次搽完之後無發紅嘅反應,就係咁令佢開始研究同改良椰子油﹐自製濕疹膏俾囡囡。到囡囡1歲左右就已經知道咗大部分嘅致敏源。

照顧濕疹BB可以話將生活習慣完全改變,喺衣、食、住方面都有好多細節要注意。

衣:濕疹BB皮膚易過敏,最好著棉質嘅衫褲

食:要搵出食物敏感嘅清單,避免進食

住:保持屋企環境清潔,注意室溫同濕度

勤力保濕

保濕係對付濕疹最重要嘅一環,濕疹皮膚角質層脆弱,容易缺水,所以皮膚會變得乾燥,最好喺朝早起身、沖涼後、臨訓前幫BB勤力保濕。

Ellen發現市面上好多保濕產品都有致敏成分,於是同Desmond一齊研究,喺世界各地搜集無化學污染嘅天然材料,去測試同製造保濕產品俾囡囡。經過多次改良之後,最後研發出有臨床驗證、註冊咗專利嘅有機濕疹舒敏膏﹗

Ellen建議,保濕步驟應該先係搽上保濕水,等皮膚充分吸收後,再搽上有機嬰兒濕疹舒敏膏,形成一層模仿皮膚嘅天然屏障,保護免被致敏原同細菌入侵,仲有鎖水、舒緩乾燥同痕癢效果添。

適用於︰濕疹皮膚、敏感性肌膚,主婦手、汗疹、尿布疹肌膚

其他用途︰滋潤面部、身體深層,皮膚爆裂,昆蟲咬傷,驅蚊蟲,紓壓

 

Fight for community

為咗幫助同路人、Fight for community,一點一點改變濕疹家庭嘅世界係Amofia嘅最終目的。例如出街食飯好似係好普通嘅事,但對於濕疹家庭嚟講真係難上加難,因為10間有9間食物都會有致敏。Amofia計劃同廚師合作出低敏食譜,放落餐廳menu上面,咁樣爸爸媽媽就食得放心,仔囡亦唔會食出事。Desmond表示教育亦係非常重要嘅工作,太多同類家長面對濕疹束手無策,對於保濕品成分、類固醇用法唔太認識,引致問題不斷發生。

由最初只係想幫助囡囡改善濕疹,直到發現原來呢個世界,仲有更多比自己囡囡濕疹情況差嘅小朋友,係令到Ellen夫婦繼續做落去嘅動力。