8 個補水最佳時機
8 個補水最佳時機
2016-12-23

飲水係最基本同有效嘅排毒嘅方法,喺適當時間飲足夠份量嘅水,可以 Keep 住每日排走細胞同器官累積嘅毒素。身體 Keep 得好啲,人都Keep 得靚啲!

朝早起身補水 - 大便更暢順!
水份會喺你瞓覺嗰幾個鐘頭慢慢流失,所以朝早起身要即刻補充水份,喝下一杯溫水可以幫助腸胃蠕動,減低便祕情況,亦可幫助腎臟及肝臟解毒。

飲完咖啡補水 - 彌補水份急速流失!
因為咖啡有利尿作用,會令身體水分流失得更快,所如果你習慣返到公司要飲杯咖啡提提醒,咁就要記得飲完咖啡要補返 2 杯水!(順便可以清潔下牙齒同消除口氣!) 

飯前補水 - 降低食慾,幫助節食!
人地話「有情飲水飽」,但其實有冇情飲水都一樣會飽架 (尤其係氣泡水)!所以如果你想節制食量嘅話,可以喺食飯前飲一大杯氣泡水,增加飽肚感,避免喺美食當前失控!

飯後補水 - 幫助消化!
食飯後飲杯水,唔怕會沖淡胃酸,反而可以幫助消化!而且飲水取代汽水、咖啡或奶茶呢類型嘅「餐飲」,可以減少糖份吸收,對牙齒同身體健康都更有益處!

心情唔好時補水 - 穩定情緒,頭腦清晰!
當身體缺水時會容易令人疲累、情緒焦慮、集中唔到精神,甚至脾氣暴躁。所以當你精神唔好,情緒唔多妥嘅時候飲杯水,可以幫你穩定情緒同清晰頭腦!

運動前補水 - 表現更佳!
做完運動會狂灌水,但其實做運動前都要飲夠水,令血液有充足嘅水分,帶動氧氣同養分俾身體每寸肌肉,令你運動時有更佳表現,健身、減肥效果事半功倍!

感冒時補水 - 加速排走細菌毒素!
感冒時人體會自我降溫,皮膚蒸發水分增多,新陳代謝頻繁,亦會加速水份流失。所以感冒時要記得補水,甚至比平常飲更多,加速排走體內細菌同毒素!

臨瞓前補水 - 預防心肌梗塞!
有人怕臨瞓前飲水會水腫,但夜晚都唔可以唔飲水!因為我地喺瞓覺時身體水份都會流失,當身體缺水時血液就會變得濃縮,增加引發心肌梗塞嘅風險!所以臨瞓前飲少少水,可以預防心肌梗塞嘅機會。

購買蒸餾水 / 礦泉水 / 有汽水︰https://goo.gl/K38Rjy

 

相關產品
1/4