喉嚨痛、生痱滋有救!清熱解毒好物推介
喉嚨痛、生痱滋有救!清熱解毒好物推介
2019-07-12

唔少人熱氣、生痱滋、喉嚨痛嘅時候,都鍾意飲返杯涼茶下火,適量咁飲涼茶的確可以清熱解毒,不過唔係個個都啱飲涼茶,飲之前最好了解自己嘅體質,例如係夾濕、夾寒定有虛火,以免傷到脾胃。

你知唔知自己係咩體質?

1.熱底人士
【特徵】:體溫高、容易生痱滋、喉嚨痛、生暗瘡,鍾意飲凍嘢,小便偏黃。而實熱同虛熱體質好唔同:
【實熱】:多數係食咗煎炸嘢、辣嘢引致,可以適量咁飲涼茶清熱。
【虛熱】:長期夜瞓、精神壓力大,會出現口乾、皮膚乾、潮熱症狀,唔需要降火,反而需要滋陰進補。
【啱飲】:有肝火、唔夠瞓就最好飲菊花茶、夏枯草;生暗瘡飲銀菊露;皮膚發紅、身體發熱就可以揀廿四味。

2.寒底人士
【特徵】:怕凍﹑成日手腳冰凍,飲完凍嘢會唔舒服。涼茶對寒底人士嚟講太涼喇,唔建議飲用。

3.濕底人士
【濕熱】:多面油﹑口苦﹑成日見攰、口苦﹑易生暗瘡﹑小便黃﹑大便較為黏稠。
【痰濕】:成日見攰、易肥、口苦、多汗、身上有油脂粒。
【啱飲】:有祛濕熱作用嘅五花茶或袪濕茶。

 

清熱解毒好物推介


1. 去心火:美蘭海味湯料 五花茶


五花茶性質比較溫和、微涼,有清熱解毒、利濕散風、消炎功效,仲可以去心火同祛濕 ,如果你成日食生冷嘢、飲凍嘢,濕氣重嘅,煲返碗五花茶啦!

【功效】:清熱解毒、利濕、去心火
【適合】:口乾、喉嚨痛、便秘、眼澀、大便稀爛人士
【立即購買】:http://bit.ly/2XCEymz


2. 去肝火:煲湯 風栗殻夏枯草茶


夏枯草同樣係比較溫和嘅涼茶,可以消暑、清熱解毒同去肝火,而風栗殻夏枯草茶仲有治暗瘡痰火核嘅功效,捱夜多飲返碗夏枯草,踢走心煩氣燥!

【功效】:消暑、清熱解毒、去肝火、潤肺止咳
【適合】:解煩熱、有暗瘡、痰火核、眼澀腫痛、喉痛聲沙人士
【立即購買】:http://bit.ly/2LKguMd

 

3. 清肝明目:位元堂 雞骨草茅根祛濕湯


雞骨草性味甘涼,用嚟清肝解毒就啱晒,加入茅根、竹蔗、生薏仁去煲,仲可以祛濕抗疲勞!

【功效】:清熱利濕、解毒、散瘀止痛、清肝明目、益氣生津
【適合】:經常食辣、脾氣暴躁、眼痛、頭痛、消化不良、成日見攰人士
【立即購買】:http://bit.ly/2XGvYU1


平時唔得閒自己煲涼茶嘅話,可以試吓呢幾個更方便嘅選擇,擺定喺屋企或者office,即飲、即食、即沖就搞掂!


4. 去喉痛:鴻褔堂 銀菊露


銀菊露以菊花為主要材料,可以有效清實火,解肺熱、肺燥,清熱消暑又生津解毒,食得熱氣嘢多、口乾、咽喉腫痛、生暗瘡就要飲返支喇。

【立即購買】:http://bit.ly/2NGD5vI


5. 滋陰潤燥:龜苓膏
龜苓膏有滋陰潤燥功效,補而不燥,可以清熱解毒,不過真係幾寒涼,脾胃正常人士啱食,寒底或脾胃差就要避免喇。

雙錢牌 龜苓膏

【立即購買】:http://bit.ly/2Y3f6eo

位元堂 唧唧龜苓爽

【立即購買】:http://bit.ly/2XIopRD


6. 花草茶


除咗涼茶,喺屋企或者office焗花草茶都可以清熱㗎!好茶養生清熱降火茶一包有晒金銀花、甘草、貢菊、桑葉、冰糖,沖熱水焗10分鐘就飲得,清心降火、疏散風熱、清肺潤燥!

【立即購買】:http://bit.ly/2Ldplqk
 

四季養生茶館夏日清熱套裝,一套有3款花草茶,隨時沖嚟飲,清熱、舒緩燥熱。

蜂蜜檸檬薄荷茶【功效】:舒緩壓力,提神醒腦,疏風散熱, 改善感冒症狀 
甘草薄荷三清茶【功效】:風熱感冒,舒緩口腔饋瘍,燥熱口氣
菊花杞子護肝茶【功效】:養肝明目,清熱降毒,生津止渴,潤腸通便

【立即購買】:http://bit.ly/32h91Ki

 

7. 清熱沖劑 

如果你係終極懶人,清熱酷草本清熱沖劑就啱晒你!去旅行食得熱氣嘢多,一包有晒草本精華同天然維他命C,幫你趕走熱氣。記得唔好用熱水沖,熱力會影響功效㗎,用冷暖水就可以。

【立即購買】:http://bit.ly/2Jp1CBg


都係嗰句,涼茶、龜苓膏等等都係寒涼,唔係個個都啱㗎,飲之前要搞清楚自己適唔適合,有問題最好去問吓中醫師意見,咁先可以有效去走喉嚨痛、痱滋!

如果你係以下人士之一,就要少飲涼茶喇!

1.孕婦:大肚婆一定唔可以飲涼茶,以免有流產風險。
2.老人家、3歲以下小朋友:身體較弱,唔適宜飲用。
3.正值經期或痛經女士:經期嗰陣抵抗力降低,處於失血狀態,飲涼茶可能會令經期不順,引致經痛問題。
4.體虛脾胃差、寒底、風寒感冒人士:平時怕凍、手腳冰冷、容易頭暈、大便質地稀爛嘅朋友都應避免飲用。