入廚必備!五大本地醬料推介
入廚必備!五大本地醬料推介
2019-03-25

每次開飯之前,只要聞到煮餸嗰陣味,就會估到啊媽今晚煮乜餸。點解咁犀利?佢煮餸用慣嗰幾隻醬料,味道好熟悉,一路陪住我地長大,有屋企嘅溫暖,更加有香港味道。

講緊嘅係香港本土老字號醬料,到今時今日依然係堅持本地製造、自家調製,款款各有特色,只要煮餸加少少,即刻可以令餸菜滋味升級!睇吓伙計嘅五大本地醬料推介啦:

1. 啖啖滋味:大孖醬園XO醬


大孖係本地少數仲用緊天然生曬方法調製醬油嘅醬園。佢地嘅XO醬極之足料,材料同油以八比二黃金比例炮製,食落成口都係瑤柱、蝦米、火腿嘅香味,啖啖都咁滿足,一定令你食過番尋味!

【適合食法】:搭配蘿蔔糕、炒菜、撈麵都好惹味!

【立即購買】:http://bit.ly/2HzYRNV


2. 蠔味極濃郁:裕興蠔油流浮山蠔油王

裕興蠔油係個個去親流浮山都一定會買嘅!點解?佢地原裝蠔油同一般嘅蠔油唔同,並無加到豆粉同糖,原裝蠔油係100%用肥美嘅生蠔肉人手熬製,所以佢地嘅蠔油除咗有濃郁蠔味,仲有一陣海水天然嘅鹹味,夠晒鮮甜!

【適合食法】:適合各種食材,提升鮮味同口感,好似係簡單易整嘅蠔油炆冬菇都特別好食!

【立即購買】:http://bit.ly/2UQs5ef


3. 鹹香不絕:廖孖記辣椒腐乳

唔少人都對腐乳有情意結,嗰種濃郁嘅味道再加上嫩滑口感,真係令人難以忘懷!廖孖記係百年腐乳皇,沿用古法生產,利用石磨磨豆,同有幾十年歷史嘅生鐵鑊炒熟豆漿,每個工序都好講心機同經驗。佢地亦都好注重用料,喺生產過程唔會添加任何味精同防腐劑,確保質素係最好最正!

【適合食法】:啱晒用嚟煮腐乳炒通菜同炆雞翼,或者就咁撈飯食都好惹味。

【立即購買】:http://bit.ly/2Fu1UFg


4. 香辣惹味:余均益辣椒醬

平時食炒牛河、蘿蔔糕,一定唔少得辣椒醬,但你又知唔知邊款最惹味?近百年歷史嘅老字號余均益,用咗唔同產地、品種嘅辣椒調製辣椒醬,再加埋蒜頭嘅香味,令佢哋比起普通嘅辣椒醬更加有層次感同酸、香、辣味均衡。

【適合食法】:辣椒醬同蘿蔔糕係最佳配搭,用嚟點蘸炒粉麵、點心一流!

【立即購買】:http://bit.ly/2CzbVPA


5. 酸甜開胃:八珍甜醋

「八珍甜醋份外香」,各位街坊應該都對依句廣告台詞耳熟能詳,八珍之所以咁出名,係因為一直堅持用人手製造天然同無添加嘅醬料同傳統食物。八珍招牌甜醋除咗色香味俱全,更用上天然米醋,健康又好味,自然係媽媽產後坐月補身嘅不二之選。

【適合食法】:最適合用嚟煲豬腳薑比產後媽媽補身,仲可以整糖醋排骨、雞翼或者豬扒。更加可以代替黑醋用嚟調製沙律。

【立即購買】:http://bit.ly/2HAH1u2

即刻睇更多唔同嘅醬料選擇:http://bit.ly/2Wfh0DZ