藥妝店必買清單:盤點2019十大日本人氣面膜!
藥妝店必買清單:盤點2019十大日本人氣面膜!
#美容2019-11-22

一入秋,皮膚就開始變得又乾又痕,搽極面霜都唔夠潤,點算好呢? 呢個時候,要用保濕力特強嘅面膜打救!好多人會專登去日本藥妝店囤貨,買到爆哂喼咁翻嚟。而為咗唔得閒去日本掃貨嘅大家,我哋已經將日本2019年至熱賣嘅面膜帶晒翻香港啦! 一齊嚟睇吓有邊幾款?

第一位:MINON - 氨基酸鎖水防禦修復凝膠面膜

適合人仕:乾燥肌、敏感肌

MINON係專門針對敏感肌同乾燥肌而設嘅品牌,佢哋呢款「氨基酸鎖水防禦修復凝膠面膜」曾經獲得COSME面膜大賞第一位,以卓越嘅滲透力突圍而出!
面膜為肌膚注入對角質層非常重要嘅保濕因子- 氨基酸,可以鎖住肌膚水分,打造水潤透明肌。
MINON「氨基酸鎖水防禦修復凝膠面膜」仲係採用不刺激肌膚嘅低敏配方,皮膚比較容易敏感嘅人都可以用㗎!

MINON 氨基酸鎖水防禦修復凝膠面膜

MINON 氨基酸鎖水防禦修復凝膠面膜:http://bit.ly/2QKuckH

第二位:石澤研究所 - 毛穴撫子日本米精華保濕面膜

適合人仕:毛孔粗大、膚色暗啞

「毛穴撫子日本米精華保濕面膜」都有攞過COSME面膜大賞第一位,藥妝店經常賣斷貨!面膜偏厚,富含100%日本國產米漿精華,邊保濕邊調理肌膚,令肌膚好似白飯粒咁晶瑩飽滿有彈力!
要毛孔隱形,就要買「毛穴撫子」!

石澤研究所 毛穴撫子日本米精華保濕面膜

石澤研究所 毛穴撫子日本米精華保濕面膜:http://bit.ly/2qrBwXX

第三位:UTENA - PREMIUM PURESA黃金凝膠面膜

適合人仕:輕熟女

「PREMIUM PURESA 黃金凝膠面膜」係年銷400萬盒嘅傳奇!精華經特別黃金水凝處理,可以直接滲透肌膚底層。每一片面膜都有33g濃厚黃金啫喱狀美容液,感覺超奢華。有四個款式可以揀:

UTENA PREMIUM PURESA黃金凝膠面膜

橙色 - 蜂王漿抗老:http://bit.ly/33aWcAL
蜂王漿中含有豐富嘅維他命同蛋白質,可以增加肌膚彈性,抵制外界傷害。面膜亦含角鯊烷及8種氨基酸成分,深層調理肌膚。

藍色 - 膠原蛋白提升彈力:http://bit.ly/35o3Zwl
添加雙重膠原蛋白及海藻糖,為肌膚築起保護膜,帶嚟彈力與光澤。

紅色 - 透明質酸保濕:http://bit.ly/2XzFgCI
含補水透明質酸及整肌透明質酸,有提高肌膚本身嘅保水力,使肌膚長時間維持滋潤。

粉紅色 - 玫瑰保濕:http://bit.ly/37r5v2E
萃取高濃度玫瑰提取液,為嬌嫩肌膚灌注植物修護能量,配合透明質酸、膠原蛋白以及蜂王漿提取物,帶嚟保濕、亮膚、紓緩、撫紋等多重功效,養出嫩白花樣美肌。

第四位: BCL - SABORINO早安面膜

適合人仕:上班族、懶瞓豬

今年討論度最高嘅面膜之一!懶人首選:朝早起身敷一塊,就可以一次過完成洗臉、保濕、打底三個步驟。重點係只需要敷60秒,就可以醒膚保濕,令妝容更貼服,簡直係懶瞓豬嘅恩物啊~
「SABORINO早安面膜」每款都係清新水果味,朝早敷一塊,即刻精神晒!

BCL SABORINO早安面膜

BCL SABORINO早安面膜:http://bit.ly/34bA6iN

第五位:KRACIE - 肌美精超滲透3D面膜

適合人仕:乾燥肌

含保濕成分膠原蛋白同可以軟化角質層嘅果酸精華。而最出名嘅係佢嘅3D立體剪裁,可以緊貼面部線條,連下巴都可以包到!有三款可以揀,粉紅色抗皺、藍色美白、橙色保濕。

KRACIE 肌美精超滲透3D面膜

肌美精超滲透3D面膜 - 粉紅色抗皺:http://bit.ly/2qAvKDf

肌美精超滲透3D面膜 - 藍色美白:http://bit.ly/34dQfV0

肌美精超滲透3D面膜 - 橙色保濕:http://bit.ly/2pCDvrI

第六位:MANDOM曼丹 - BARRIER REPAIR 三重補濕彈力面膜

適合人仕:乾燥肌、敏感肌

呢款可以話係長年不敗嘅款式,超服貼補水力超強!BARRIER REPAIR模仿嬰兒肌膚特有嘅保水成份,防止肌膚受乾燥及敏感等問題困擾, 令肌膚重現細緻柔嫩。
性質溫和,無香料、無添加色素、無防腐劑、通過皮膚過敏測試,好似BB一樣呵護你~

MANDOM曼丹 BARRIER REPAIR三重補濕彈力面膜

MANDOM曼丹 BARRIER REPAIR三重補濕彈力面膜:http://bit.ly/2qCORwj

第七位:豆腐盛田屋 - 玉之輿豆腐乳酪面膜

適合人仕:膚色暗啞

盛田屋首創以豆乳、乳酪、蜂蜜等純天然美容成分融入護膚品。紅色版抗氧,每片面膜包含多達23ml蘋果果實提取物同蜂蜜萃取精華液,為你抗氧化、打造亮澤肌底;藍色版美白,以豆乳配合植物同多重水果萃取,一次過幫你保濕、美白、抗炎!

豆腐盛田屋 玉之輿豆腐乳酪面膜

玉之輿豆腐乳酪抗氧面膜 - 紅色:http://bit.ly/2KJv9pK

玉之輿豆腐乳酪美白面膜 - 藍色:http://bit.ly/35oAaM5

第八位:LULULUN - 濃密保濕型面膜

適合人仕:細紋較多、乾燥肌

LULULUN呢個牌子最出名就係抵買!呢款全新升級版「LULULUN濃密保濕型面膜」更加貼服,號稱「用貼嘅化妝水」。添加4種日本米成分,「米糠油」令肌膚柔軟、「水解米萃取」令肌膚恢復彈性、「米神經醯胺」同「米糠萃取」可以撫平肌膚紋理。

LULULUN 濃密保濕型面膜

LULULUN 濃密保濕型面膜:http://bit.ly/35qOCmO

第九位: KOSÉ - CLEAR TURN超濃厚保濕面膜EX

適合人仕:懶人、輕熟女

呢款面膜簡直係護膚界嘅full course meal!一片面膜就結合咗化妝水+緊膚水+美容液+乳液+乳霜+按摩舒緩+眼膜+面膜八種護膚品,深層抗衰老修護,俾你享受頂級滋潤美容嘅效果。

KOSÉ CLEAR TURN超濃厚保濕面膜EX

KOSÉ CLEAR TURN超濃厚保濕面膜EX:http://bit.ly/2qDsU09

第十位:BCL - MOMO PURI蜜桃保濕啫喱面膜

適合人仕:肌膚缺乏營養、暗啞、乾燥肌

甜美系女孩一定鐘意嘅一款面膜!一打開就係超香嘅蜜桃味~
富含蜜桃神經醯胺同乳酸菌成分,為肌膚注入澎湃嘅滋養力量,有助深層保濕、補充營養同均勻膚色。提亮肌膚,增加通透感。令你肌膚好似蜜桃一樣飽滿兼白裏透紅,做個真正嘅蜜桃女孩!

BCL MOMO PURI蜜桃保濕啫喱面膜

BCL MOMO PURI蜜桃保濕啫喱面膜:http://bit.ly/35tJNJJ

睇完係咪好心動呢?快啲帶晒佢哋翻屋企啦!