2017 春夏最新款手工啤酒
2017 春夏最新款手工啤酒
#香港製造2017-05-26

手工啤酒喺香港越嚟越流行,而近幾個月香港本土手工啤都出咗唔少新款!即睇睇今季最新最HIT嘅手工啤酒!


1. Hangry Donut 洛神花小麥啤   Heroes Beer Co

如果有留意開本土手工啤一定會知道最近有一個新品牌成立,成為城中熱話。罐裝嘅手工啤已經夠哂特別,而其中最受歡迎嘅就非呢隻 Hangry Donut 洛神花小麥啤莫屬喇,一開罐已經可以聞得到洛神花嘅香味,而飲落微酸而果味突出,非常解渴,最入夏嘅天氣飲!

特式:清新,果香,微酸

購買:https://goo.gl/hbZkro

 

2. 夏日麼麼啤 少爺麥啤

聽到呢個名相信你都估到呢隻手工啤酒係清新解渴嘅Style. 無錯,夏日麼麼啤係一款比利時白啤(即Hoegaarden/K1664 類型),而材料就換咗做地道嘅陳皮、芫荽籽、甘菊等等。聞落有少少胡椒香味,但飲落就係甘菊嘅微甜味,認真特別!最適合想要清爽啤酒但不喜歡太甜嘅人。

特式:清新,花香,香料

購買:https://goo.gl/RDDvBF

 

3. 萬佛朝宗  獅子山啤

講完兩支Light嘅,係時候介紹下啲勁嘢。萬佛朝宗,聽個名就已經夠霸氣。身為一款帝國IPA,萬佛朝宗嘅特色係有著強烈啤酒花味,酒精度高,味道較苦。用5種啤酒花配合出草藥嘅香味,呢支最啱重口味嘅你。

特式:甘香,草本,濃烈

購買:https://goo.gl/6K3n9S


 

4. SESSION IPA 九龍灣啤酒

點解呢隻啤酒冇中文名呢?自問文采唔錯嘅伙計都諗過,又真係諗唔到點翻譯。Session其實係開會嘅意思,因為同樣係IPA,呢款啤酒酒精度較低,只有3.9% (九龍灣啤嘅美式IPA係6.6%),番工飲都冇問題喎。嗱,我冇建議你咁做架。不過呢款啤酒都好適合聚會,食飯,或者日頭飲,因為冇咁易醉!

特式:甘香,微甜,輕盈。

購買:https://goo.gl/SeMYP2

 

5. 蘋果氣酒 吹啤啤

最後登場嘅係吹啤啤嘅新款Apple Cider。(嚴格嚟講唔係手工啤,應該叫手工Cider)蘋果氣酒嘅熱潮係由Somersby帶起嘅,令香港人識飲呢隻香甜清爽嘅酒。而吹啤啤嘅Apple Cider特別之處係唔太甜之餘,令蘋果嘅香味更加突出。而且蘋果真係喺油麻地果欄買架,啱哂香港人口味。

特式:果香,清新,少甜

購買:https://goo.gl/KkPcLj


 

更多本地手工啤:https://goo.gl/2Na1fy 

『根據香港法律,不得在業務過程中,向未成年人售賣或供應令人醺醉的酒類 。』 
“Under the law of Hong Kong, intoxicating liquor must not be sold or supplied to a minor in the course of business.”