【蛋味濃、夠鬆脆,嚴選本地蛋卷之最!】
【蛋味濃、夠鬆脆,嚴選本地蛋卷之最!】
#本土小店2018-01-29

「士多邊款蛋卷最好味?」呢個係伙計近排俾人問得最多嘅問題。

新年送賀禮,必不可少嘅一定係夠好意頭嘅「金條」-- 蛋卷!想幫襯最新鮮、最啱香港人口味嘅 #本地蛋卷,士多都真係有唔少選擇。咁喺云云本地蛋卷牌子入面,到底邊款最脆口、邊款最有蛋香、邊款又係最抵食?伙計梗係要即刻開罐試食,幫大家分析一下!(唔係我為食,係幫大家架咋)


⭐️超薄脆【超香園】 購買︰https://goo.gl/5H4jQV

以手工製作著名,每逢大時大節就一罐難搶。一打開鐵蓋就聞到濃濃蛋香,牛油香濃郁而不膩,卷身顏色最淺,口感鬆化,皆因卷皮超級薄,唔小心啲、輕輕力拎都驚佢碎喺手,受過兩次教訓後就知道最佳食用力度,每次入口都驚嘆其酥化程度。




⭐️「少甜」至愛【回味】 購買︰https://goo.gl/5H4jQV

新興本地牌子,前身係替各大連鎖糕餅牌子整蛋卷。累積多年經驗後調校出自信係最佳嘅蛋卷,特點係厚身足料,一入口滿滿實在感,口味微甜,推介比不喜歡太甜口味嘅街坊。(最特別係有「細嚐」系列,一啖一條蛋卷,唔驚跌到一地都係,真正惜食)




⭐️香甜鬆化【精記】 購買︰https://goo.gl/5H4jQV

除了味道吸引,相宜的價錢都令佢大受歡迎!蛋卷喺本地工場生產,滿佈蜂巢洞嘅蛋皮層層捲起,所以口感實在同時又鬆化,味道香甜。


⭐️味道層次豐富【甄沾記】 購買︰https://goo.gl/5H4jQV

椰子糖加蛋卷?有得諗喎!甄沾記椰露同椰汁兩款蛋卷,有香濃牛油味、蛋味,加上甄沾記最出色嘅招牌椰子味,最為出類。椰汁口味可想而知,咁椰露呢?食落充滿花蜜嘅香甜,同椰汁嘅清甜唔一樣,各有追隨者啦。



⭐️口味多元化【紹香園】 購買︰https://goo.gl/5H4jQV

作為果仁界行尊,整蛋卷都好有水準!紹香園蛋巻最大賣點係口味多元化,由最傳統嘅紫菜肉鬆到香蔥、紅菜頭,甚至芫茜蛋巻都有,任君選擇!最正梗係一次買齊幾款口味逐盒試!


相關文章︰

【新年賀禮 - 5個令香港人愛不釋手的本土蛋卷品牌】? https://goo.gl/RxSvrB