【士多信箱】同女神去飲手工啤
【士多信箱】同女神去飲手工啤
#香港製造2017-05-05

【士多信箱】同女神去飲手工啤

是咁的,放假同大班朋友去飲野,有人話想試吓手工啤,吓?哦!咁咪去囉。
望住餐牌苦無頭緒,於是隨便叫咗一杯。酒來了,大家交換飲,女神雀躍問我覺得點?我完全唔知講咩好,係有唔同但又講唔出…… 最後答咗句︰都幾凍。

之後佢再無理我,我個心好似穿咗個窿。士多伙記可唔可以係咁易介紹返,手工啤酒點樣揀?

心比酒更冷的男街坊上

手工啤同葡萄酒一樣,認真研究起來都可以好刁鑽!雖然難精,不過又好易學喎,入門可以由以下幾個關鍵字開始~

啤酒基本可以從發酵方式分為 2 大類︰

Lager 拉格
選用底層酵母,低溫發酵。適飲溫度約 7-9℃,暖了會變苦。酒色清澈,口感清爽,酒精濃度偏低。(e.g. Heineken, Budweiser)

Ale 愛爾
選用頂層酵母,常溫發酵。適飲溫度約 10-18℃,太冷會嚐不出來啤酒風味。口感較濃郁,酒體飽滿。(e.g. Hoegaarden, Guinness)



餐牌上常見的名字︰

Pilsner 皮爾森
屬於 Lager 的一種,Pilsner「皮爾森啤酒」色澤從淡黃色到金黃色不等,以世界上首種「金色啤酒」著稱。原產地捷克的風味一般比較清淡,而德國產釀製的會偏苦一點,有時甚至有類似泥土的味道。

Bock 博克
同屬 Lager 啤酒,Bock「博克啤酒」口感滑順,富有濃郁香醇的烘烤麥芽風味!另有演變出來的 Eisbock「博克冰啤酒」,以冷凝法將酒冷凍後,去掉上層結冰的水份,令酒精濃度提高。

IPA 印度淡啤酒
India Pale Ale (IPA) 雖然稱為「印度淡啤酒 / 印度愛爾啤酒」,但絕非由印度流傳或製造。大部分 IPA 使用焦炭烘烤過的麥芽釀製,以至釀產的啤酒顏色較淡,啤酒花的香味和苦味濃烈,酒精度數通常較Bock低。

Porter 波特啤酒
另一大受歡迎的 Ale,源自於18世紀英國倫敦地區,碼頭的搬運工 (Porter) 特別喜愛這種酒,因而取名為 Porter「波特啤酒」。它是由 Brown Ale改良而來,顏色較 IPA 深,口感上有咖啡般的烘烤味,有些帶有焦糖、巧克力等味道。