賀年全盒放乜好?5大香港零食精選推介!
賀年全盒放乜好?5大香港零食精選推介!
2019-01-10

農歷新年就到喇,個個都趕住辦年貨、買定好嘢食過肥年。不過每次去親拜年,全盒嚟嚟去去都係金幣朱古力同糖冬瓜……你唔悶我都厭啦!今個新年不如跟伙計一齊擺啲特別嘅地道香港零食同糖果落全盒,好好招呼親朋好友!以下呢5款本地零食糖果精選,全部都係香港地道小店製造,正宗Made in Hong Kong。

 

1. 瓜子大王陸金記:山核桃瓜子

每到辦年貨,香港老字號陸金記店入面一定人山人海,個個爭住買瓜子。皆因陸金記堅持自家炒瓜子,喺香港以人手炒瓜子已經買少見少,由洗瓜子,炒瓜子,再包瓜子,個個步驟都係心機。唔想排隊買,一於上士多掃定貨啦!http://bit.ly/2RElTI4

 

2. 史密夫:香滑牛奶鳥結糖

史密夫糖係經典而碩果僅存嘅香港製造糖果,宜家市面上林林總總嘅糖果都係由外國入口,除咗嘉頓之外,史密夫或者係最後一間Made in Hong Kong嘅糖果廠喇。史密夫其中最受歡迎嘅一定係牛奶鳥結糖,糖入面加咗牛奶,味道超濃滑,咬落堅果香脆!http://bit.ly/2D0G2jn

 

3. 奇趣餅家:蛋散

香港嘅傳統中式餅家買少見少,奇趣餅家屹立30幾年,全部出品堅持人手製作,新鮮出爐日日清,好味到仲得到米芝蓮推介。奇趣嘅蛋散酥脆唔油膩,放入全盒就啱晒!http://bit.ly/2THUcLY

 

4. 食好D:香脆芝麻腰果

新年全盒點少得腰果?小店食好D出品嘅腰果加上芝麻,香口又惹味,而且仲係無味精、防腐劑或添加劑,健康高蛋白,腰果外型仲似足金元寶,意頭好,象徵金銀滿屋!http://bit.ly/2RGYs0P

 

5. 慢先生:低溫風乾紅白火龍果乾

慢先生嘅果乾係由人手親自選購新鮮嘅水果,去清洗、切片,之後再以唔超過46度嘅低溫,烘焙10至14個鐘而成,保留水果營養,每個步驟都係功夫。想全盒放啲特別嘅零食,紅白火龍果乾係最好嘅選擇!http://bit.ly/2FnNqXO

 

想一次過買齊賀年禮盒、零食、糖果、大掃除用品,即刻click入「新春喜士多」買晒人佢哋返屋企啦:http://bit.ly/2FjEa7W